下载微头条客户端
发布

岑丽香带强强台湾度蜜月 宣萱细狗惨被咬爆左耳

2017-01-12
收藏
0
标签:

冇歌照撑场!周柏豪唔去颁奖会囉囉挛

 歌手周柏豪接受访问,提到他虽然去年没有出歌,但仍有出席乐坛颁奖礼,他说:「我享受去颁奖礼,我年年都嚟,唔嚟会好似断咗啲嘢咁,同埋见证到自己锺意嘅歌手拎奖,我喺佢哋身上都攞到喜悦。」又指过去一年其实没有离开过音乐,仍有为歌曲录音,所以今年很快就有新歌《有生一天》推出。而柏豪将于四月举行入行十周年演唱会,他表示现时已筹备当中:「我有时临瞓觉之前都会谂有咩想同大家分享。」

爷爷落Order!龚嘉欣要30岁先准嫁人

艺人龚嘉欣于荃湾荃新天地出席活动,以「利是」装晒腿出场的嘉欣,受访时透露今年手上的工作比去年多一倍,她寄望能过肥年。她又预告新年派利是会加码:「好意头!有得派利是畀人都系福气,仲想捐钱做善事,日前都捐咗钱畀流浪狗场。」问她工作大增,会否将收入孝敬家人?嘉欣打算首次封利是给家中长辈:「爷爷、嫲嫲年年都封好大封利是畀我,自己大个女喇,想尽番点心意,唔关银码多与少。」

提到长辈可有趁机催婚,27岁的嘉欣笑指爷爷叫自己30岁后才准嫁人:「以前有催,但依家叫我拣清楚,第日拍拖第一件事要畀佢哋过目。(长辈介绍男仔畀你?)冇,爷爷叫我一定要过30岁先结。(佢哋唔恨抱孙?)佢哋好后生,唔会心急!」嘉欣又言新年将于拍剧中度过,若有时间就想整萝卜糕请同事食。

啱啱度完蜜月 岑丽香带强强台湾周围食

艺员岑丽香与周国贤在铜锣湾出席活动。现场演绎《一人有一个梦想》的岑丽香有点紧张,问到事前有否练歌?她说:「唱咗几次,呢首歌歌词都算容易,我妈咪好锺意邓丽君嘅歌,所以都学咗几首邓丽君嘅歌。(老公强强有冇畀意见?)佢都听咗好多次,有叫我加油,其实佢都唔系好明广东话歌词,都唔知我有冇歪音、走音,哈哈。(平时有冇唱歌冧你?)佢识好多种乐器,喺教会夹band,佢弹多过唱。」

岑丽香又透露近日刚与强强去了台湾旅行来一个小honey moon,问到香香今次到台湾可有与强强游泳戏水?她笑说:「哈哈,今次冇,天气冻,今次去台湾周围食嘢。」香香指强强适应香港生活比她更快,暂时也没有思乡,新年愿望希望他适应香港生活。

直击剃光头!陈展鹏买千元电剃刀自刮

 

艺人陈展鹏到中环一间发型屋为无线新剧《天命》剃头,他上一次剃头是为了拍摄剧集《张保仔》,不过就自爆因不懂得保护头皮而搞到又甩皮又发炎!他说:「上一次可能因为月份关系天气好热,剃完第二日已经甩皮,无几耐就结焦,又红又肿又发炎!」原来他上次在剃头后,隔日就用剃刀再刮走头发,搞到头皮不断受刺激,要好几个月先好番!

曾多次剃头的陈展鹏直言十分担心头发再生不出来,笑谓:「男人头发好重要架,上次剃完啲头发生番出嚟都一啲幼一啲粗,今次要好好保养!」今天将正式投入拍摄《天命》的他,谓每日都会好好保养光头,要清洗干净之余,更会戴帽做好保护,更花千元买质素较好的电剃刀自行补剃,笑谓不敢再用剃刀去补剃。

即将生日的展鹏,指去年生日在工作中度过未有与粉丝庆祝,今年就一定会庆祝。至于绯闻女友胡定欣可有相约吃饭?他说:「未收到电话喎,不过要请几时都请得嘅!」

【慎入】王祖蓝脷底筋生痱滋 睇见都痛

艺人王祖蓝八足咁多爪,近年仲成立咗自己嘅创作公司做埋老板,唔知系咪太忙太大压力,祖蓝最近身体出现咗啲问题喎,而且有问题嘅位置仲要好神秘!

呢日祖蓝影埋相放上网,仲留言话:「千万不要打开,好恶心,人生最痛苦的,莫过于当你想唱歌的时候,舌头下的筋正中间长了溃疡!?」原来佢脷底生咗痱滋呀!睇见张高清相都觉得好痛呀,同埋其实都真系好核突,唔怪得知佢话「千万不要打开」啦,希望祖蓝快啲好番啦,唔系吓亲老婆李亚男就唔好喇!

宣萱细狗惨被咬爆左耳:成墙都系血!

艺人宣萱出席「人狗同乐百万行2017」闭幕礼,带同三只爱犬现身的她,透露其中两只为领养,她谓:「细狗Boom Boom新嚟嗰阵走去凶大狗Scooby,结果Boom Boom左耳被咬到裂开,当时仲啱啱搬新屋,啲血飞到墙都系,即刻叫工人姐姐用纸巾按住Boom Boom伤口,抹完墙就捉Scooby坐低,好似阿妈教女咁同佢讲,自此之后就再冇发生呢啲事。」

正忙于拍摄无线新剧《使徒行者2》的宣萱,表示日前不慎工伤,右手被全石面的咖啡枱压倒,随即瘀青兼流血,她谓:「嗰场戏系讲我头痛,但我痛到净系识揽住只手,之后即刻打畀跌打师傅,佢叫我热敷等瘀血散,同埋放血,事发到今日第4日,都散咗啲瘀,终于明白咩叫十指痛归心,当时摄影师都唔知出咗事,仲赞我戏好㖭!

 

来源:HKChannel,微信公众号:hkchannel

©版权申明   本文不代表我们的观点。如果这篇转载侵犯您的版权,请联系我们及时删除!
大家的反应
  • 0
  • 0
    哈哈
  • 0
    萌萌哒
  • 0
    我擦
精彩评论 文明上网理性发言,请遵守评论服务协议
0条评论
稍等
 快来抢沙发!
加载更多
热门推荐